معايش اتولدت من سؤال بسيط: ليه آلاف الشباب عندهم وقت وطاقة وعقل، وقاعدين مستنيين وظيفة يمكن متجيش؟ الإجابة إن المشكلة مش دايماً في السوق… كتير منها في العقلية والمهارة والخطة.
الرؤية
جيل عربي بيصنع دخله بنفسه — صاحب مهارة، أو صاحب مشروع، أو موظف مطلوب — بدل ما يفضل أسير «البطالة المغلفة» بحجة انتظار الوظيفة المناسبة.
الرسالة
نقدم معسكر تدريبي عملي قصير ومركّز، ومجتمع داعم، ونظام تحفيز ومتابعة، يوصّل الباحث عن عمل لأول مكسب حقيقي في أقل وقت، ويفتح له أبواب الشركات والفرص بعد كده.
القيم اللي ماشيين بيها
🛠️ التطبيق قبل الكلام
كل أسبوع بيتقفل بمهمة عملية. مفيش «اتفرج وخلاص».
🎯 الصراحة
مبنوعدش بدخل مضمون. بنديك الأدوات والمتابعة، والنتيجة بتتبني بإيدك.
🤝 المجتمع
محدش بيوصل لوحده. منتديات وتحديات وناس ماشية نفس الطريق.
🔒 الخصوصية
بياناتك ملكك. دليل المواهب بموافقتك بس ومن غير بيانات تواصل ظاهرة.
كيف تعمل المنصة؟
- التسجيل والتهيئة: تعمل حساب، وتعمل التقييم المبدئي اللي بيحدد مسارك (مهارات وحرف · تجارة · موظف مؤهل)، وتختار باقتك.
- المعسكر (6 أسابيع): كل أسبوع فيديوهات قصيرة وفواصل ملهمة ومهمة عملية أو اختبار — والأسبوع الجاي مش بيفتح غير لما تنجز.
- المجتمع والتطبيق: منتديات حسب المسار، وتحدي «المكسب الأول» بإثبات حقيقي.
- التخرج والحصاد: شهادة بكود تحقق، ومكان في دليل المواهب للشركات، وفرصة الترشيح لرحلة تركيا للمتميزين.